Zer da Diálogos de Cocina?
Partekatzen bada hartzen du zentzua ezagutzak. Hori da gure bokazioa.
2007tik, sukaldaritzaren inguruko diziplinarteko trukeak sustatzen ditugu, ikaskuntzara, kulturara eta berrikuntzara bideratutako ikuspegi batetik sektorea aberastuko duten sormenezko sinergiak eraikitzeko asmoz.
Bi urtez behingo nazioarteko biltzar batean ardazten ditugu gure ahaleginak; biltzar horretan, aditu ezagunak elkartzen dira eztabaidaren eta elkarrizketaren bidez gremio gastronomikoari buruz hausnartzeko eta hari ekarpena egiteko.
Proiektuaren barruan, argitalpen bat dago, Papeles de Cocina izenekoa, baita atari digital hau ere, haren bidez ere hausnarketa eta ezagutza-trukea sustatzeko.
Diálogos de Cocina-k Donostian du egoitza, munduko helmuga gastronomiko nagusien artean. Euro-Toquesek sortu zuen, Andoni Luis Aduriz chefaren eskutik, eta Mugaritzek, Basque Culinary Centerrek eta beste aliatu batzuek sustatzen dute.
Basque Culinary Centerrek (BCC) aparteko ekosistema osatzen du, eta prestakuntza, berrikuntza, ikerketa eta ekintzailetza uztartzen ditu, 2011tik, gastronomia garatzeko eta bultzatzeko. Donostian dago BCC, eta erakunde aitzindaria da. Batetik, Gastronomia Zientzien Fakultateak osatzen du, eta 30 herrialde baino gehiagotako ikasleak hartzen ditu urtero. Bestetik, BCC Innovation Gastronomiako Ikerketa Zentroak; hor, ezagutza sortu eta berrikuntzan sakontzeaz gain, diziplinartean egiten da lan produktuak eta zerbitzuak diseinatzen, eta, aldi berean, enpresei eta ekintzaile berriei laguntzen zaie era guztietako programa, ekimen eta ekitaldien bidez.
Mugaritzek sukaldaritza-, ikerketa- eta esperimentazio-eredu aitzindari bat finkatu du, eta haren gaitasun berritzailea eta sortzailea aitortu da, eremu gastronomikoaz haraindi. The World’s 50 Best Restaurants-en nazioarteko zerrendaren arabera, munduko 10 jatetxe onenetako bat izan da 14 urtez jarraian; beste ezein jatetxek ez du halakorik lortu. Bi Michelin izar ditu Mugaritzek, eta lanean jarraitzen du paradigmak apurtzen eta diziplinarteko lanak sustatzen, ezagutzaren askotariko arloetan aurrera egiteko. Diálogos de Cocina-ren sustatzaile eta sortzaileen artean, Andoni Luis Adurizek, Papeles de Cocina-ren argitaratzailea izateaz gain, ikaskuntzarako eta trukerako guneak bultzatzen ditu, gastronomiaren inguruan sentsibilitate bera duten pertsonak inspiratzeko eta harremanetan jartzeko.
1986an, Pierre Romeyerrek, Paul Bocusek, Juan Mari Arzakek eta Pedro Subijanak, beste sukaldari batzuen artean, Euro-Toques sortu zuten Bruselan. Sukaldarien Europako Komunitatea da, eta, orduz geroztik, 18 herrialdetako 3.500 sukaldarik osatzen dute. Espainian, gaur egun Maca de Castro da elkarteko buru; 850 sukaldari ditu, eta ordezkariak autonomia-erkidego eta probintzietan. Denboran egindako ekintza eta jarduera guztietatik, Diálogos de Cocina proiektu berezia da; haren bidez, sukaldariek ezagutza partekatzea nahi da, eta zubiak eraiki nahi dira sukaldarien eta gastronomiarekin erlazionatutako beste diziplina batzuen artean.